ຍື່ນຂໍວີຊາສະຫະລັດ

ເລີ່ມແຕ່ວັນທີ 5 ມັງກອນ 2023 ເວລາ 12:01 ໂມງເຊົ້າ ສູນຄວບຄຸມ ແລະ ປ້ອງກັນພະຍາດ EDT, CDC ຈະຕ້ອງຍື່ນຜົນການກວດ COVID-19 ເປັນລົບພາຍໃນສອງມື້ກ່ອນມື້ອອກເດີນທາງ ຫຼື ໃບຢັ້ງຢືນການຟື້ນຕົວຈາກ COVID-19 ພາຍໃນ 90 ມື້ສຳລັບນັກທ່ອງທ່ຽວທຸກຄົນ, ອາຍຸ 2 ປີຂຶ້ນໄປ, ເມື່ອເຂົ້າສະຫະລັດໃນຖ້ຽວບິນທີ່ມາຈາກສາທາລະນະລັດປະຊາຊົນຈີນ (PRC), ລວມທັງເຂດບໍລິຫານພິເສດ (SAR) ຂອງຮົງກົງແລະມາກາວ. ຂໍ້ກໍານົດນີ້ຍັງໃຊ້ໄດ້ໃຫ້້ຜູ້ໂດຍສານທີ່ເຄີຍໄປໃນປະເທດຈີນ, ຮົງກົງ, ຫຼືມາກາວໃນ 10 ມື້ທີ່ຜ່ານມາແລະທຸກຄົນທີ່ຈະເດີນທາງໄປສະຫະລັດອາເມລິກາຈາກຫນຶ່ງໃນສະຫນາມບິນຕໍ່ໄປນີ້: Incheon International Airport (ICN) ຢູ່ກຸງໂຊລ, ເກົາຫລີໃຕ້; Toronto Pearson International Airport (YYZ) ຢູ່ການາດາ; ແລະສະຫນາມບິນສາກົນ Vancouver (YVR) ຢູ່ການາດາ. ຄຳສັ່ງຂອງສູນຄວບຄຸມ ແລະ ປ້ອງກັນພະຍາດ CDC ທີ່ກຳນົດໃຫ້ມີຫຼັກຖານຢັ້ງຢືນການສັກຢາວັກຊີນສຳລັບຄົນທີ່ບໍ່ແມ່ນພົນລະເມືອງສະຫະລັດບໍ່ແມ່ນສັນຊາດສະຫະລັດອາເມລິກາ ຍັງມີຜົນບັງຄັບໃຊ້ຢູ່. ສໍາລັບຂໍ້ມູນເພີ່ມເຕີມເຂົ້າເບິ່ງເວັບໄຊ CDC .

ສະຖານທູດສະຫະລັດອາເມລິກາ ປະຈຳນະຄອນຫຼວງວຽງຈັນຈະປ່ຽນອັດຕາແລກປ່ຽນກົງສຸນຈາກ 1USD=17,000 LAK ເປັນ 1 USD=18,000 LAK ນັບແຕ່ວັນທີ 20 ຕຸລາ 2022 ເປັນຕົ້ນໄປ.

ຜູ້ຍື່ນຂໍວີຊາເຂົ້າເມືອງຊົ່ວຄາວທັງໝົດທີ່ຊຳລະຄ່າທຳນຽມການດຳເນີນວີຊາໃນ ຫຼືຫຼັງຈາກວັນທີ 20 ຕຸລາ 2022 ຈະຕ້ອງຊຳລະຄ່າທຳນຽມຕາມອັດຕາແລກປ່ຽນໃໝ່ແມ່ນ 1USD=18,000 LAK.

ຜູ້ສະໝັກທີ່ຊຳລະຄ່າທຳນຽມການດຳເນີນວີຊາໃນອັດຕາແລກປ່ຽນເກົ່າ 1 USD=17,000 LAKໃນ ຫຼື ກ່ອນວັນທີ 19 ຕຸລາ 2022 ຍັງສາມາດນຳໃຊ້ໃບຮັບເງິນຈົນຮອດວັນໝົດອາຍຸ.

ຕັ້ງແຕ່ເວລາ 00:01 ໂມງ (ເວລາຕາເວັນອອກ – EDT) ວັນທີ 12 ມິຖຸນາ 2022, CDC ໄດ້ຍົກເລີກຄຳສັ່ງທີ່ກຳນົດໃຫ້ບັນດາສາຍການບິນ ຫຼື ຜູ້ໂດຍສານເຮືອບິນ ຈະຕ້ອງຍື່ນຜົນການກວດ COVID-19 ທີ່ເປັນລົບ ຫຼື ໃບຢັ້ງຢືນການຟື້ນຕົວຈາກ COVID-19 ກ່ອນທີ່ຈະບິນໄປສະຫະລັດອາເມລິກາ. CDC ຍັງສືບຕໍ່ຮຽກຮ້ອງໃຫ້ມີການຢັ້ງຢືນການສັກຢາປ້ອງກັນສໍາລັບຜູ້ໂດຍສານທີ່ບໍ່ແມ່ນພົນລະເມືອງສະຫະລັດ ຈະເດີນທາງໄປສະຫະລັດອາເມລິກາ ດ້ວຍວີຊາຄົນເຂົ້າເມືອງຊົ່ວຄາວ. ສໍາລັບຂໍ້ມູນເພີ່ມເຕີມ, ກະລຸນາເບິ່ງ ສູນຄວບຄຸມ ແລະ ປ້ອງກັນພະຍາດ (CDC) ສຳລັບຄວາມຮຽກຮ້ອງໃຫ້ມີການຢັ້ງຢືນການສັກຢາປ້ອງກັນ COVID-19 ສໍາລັບຜູ້ໂດຍສານທາງອາກາດ.

“ໃນວັນທີ 25 ຕຸລາ, ປະທານາທິບໍດີ Biden ໄດ້ອອກຖະແຫຼງການຂອງປະທານາທິບໍດີທີ່ມີຫົວຂໍ້ວ່າ "ຖະແຫຼງການກ່ຽວກັບສົ່ງເສີມການຟື້ນຟູການເດີນທາງທົ່ວໂລກທີ່ປອດໄພ ໃນໄລຍະການລະບາດຂອງ COVID-19.” ປະກາດນີ້, ມີຜົນສັກສິດໃນເວລາ 12:01 ໂມງເຊົ້າ (ຕາມເວລາມາດຕະຖານຕາເວັນອອກ) ວັນທີ 8 ພະຈິກ ປີ2021, ຈະຢຸດຕິການຈຳກັດການເດີນທາງອີງຕາມຖະແຫຼງການຂອງປະທານາທິບໍດີ (PP) ເລກທີ 9984, 9992, 10143 ແລະ 10199. ຖະແຫຼງການເຫຼົ່ານີ້ກ່ຽວຂ້ອງກັບການໂຈະການເຂົ້າປະເທດສະຫະລັດອາເມຣິກາ ສໍາລັບຜົນລະເມືອງທີ່ອາໄສຢູ່ໃນປະເທດບຣາຊິນ, ຈີນ, ອິນເດຍ, ອີຣ່ານ, ໄອແລນ, ເຂດ Schengen, ອາຟຣິກາໃຕ້, ແລະສະຫະລາຊະອານາຈັກ. ແທນທີ່ຂໍ້ຈໍາກັດເຫຼົ່ານີ້, ປະທານາທິບໍດີໄດ້ປະກາດຂໍ້ກໍານົດການສັກຢາປ້ອງກັນທົ່ວໄປສໍາລັບນັກທ່ອງທ່ຽວຕ່າງປະເທດຜູ້ໃຫຍ່ທຸກຄົນ. ຖະແຫຼງການນີ້ນຳໃຊ້ກັບຜູ້ໂດຍສານທີ່ບິນໄປສະຫະລັດອາເມລິກາ ໂດຍອອກເດີນທາງຫຼັງເວລາ12:01 ໂມງເຊົ້າ ຕາມເວລາມາດຕະຖານຕາເວັນອອກຂອງວັນທີ 8 ພະຈິກ ປີ 2021. ຂໍ້ມູນເພີ່ມເຕີມກ່ຽວກັບຂໍ້ກໍານົດຂອງການສັກຢາປ້ອງກັນໂລກນີ້, ລວມທັງລາຍລະອຽດກ່ຽວກັບການຍົກເວັ້ນແລະການຍົກເວັ້ນຍ້ອນຄວາມກັງວົນດ້ານມະນຸດສະທໍາ, ກະລຸນາເບິ່ງເວັບໄຊທ໌ທີ່ https://travel.state.gov/content/travel/en/News/visas-news/safely-resuming-travel-by-vaccine-requirement-and-rescission-of-travel-restrictions.html.

ຕາມຖະແຫຼງການຂອງປະທານາທິບໍດີ Biden, ນັບແຕ່ວັນທີ 8 ພະຈິກນີ້, ກະຊວງການຕ່າງປະເທດສະຫະລັດສາມາດເລີ່ມດຳເນີນການໃຫ້ຂໍວີຊາສຳລັບຜູ້ສະໝັກທີ່ອາໄສຢູ່ປະເທດດັ່ງກ່າວ.

ກະລຸນາຮັບຊາບວ່າ ຖະແຫຼງການຂອງປະທານາທິບໍດີ (PP) ເຫຼົ່ານີ້ ໄດ້ສິ້ນສຸດແຕ່ບໍ່ໄດ້ຫມາຍຄວາມວ່າ ສະຖານທູດຫຼືກົງສຸນສະຫະລັດສາມາດຈັດຕາຕະລາງໃຫ້ຜູ້ສະຫມັກທີ່ຖືກຮັບຜົນກະທົບສໍາລັບການສໍາພາດວີຊາໄດ້ທັນທີ. ຖ້າທ່ານຢາກຮູ້ຂໍ້ມູນເພີ່ມເຕີມກ່ຽວກັບປະເພດຂອງການບໍລິການວີຊ່າທີ່ເປີດຢູ່ໃນຂະນະນີ້ ແລະຄໍາແນະນໍາກ່ຽວກັບການຍື່ນຂໍວີຊາຄົນເຂົ້າເມືອງຊົ່ວຄາວ ກະລຸນາເຂົ້າເວັບໄຊທ໌ຂອງສະຖານທູດ/ກົງສຸນຫຼືເວັບໄຊທ໌”

ຄ່າທຳນຽມການຍື່ນຂໍວີຊາເຂົ້າເມືອງຊົ່ວຄາວທັງໝົດ (ຄ່າທໍານຽມ MRV) ການຊຳລະເງິນໃນ ຫຼືຫຼັງຈາກວັນທີ 1 ຕຸລາ 2022, ໃຊ້ໄດ້ເປັນເວລາ 365 ວັນນັບຈາກວັນທີອອກໃບຮັບເງິນເພື່ອຊໍາລະຄ່າທໍານຽມ MRV. ຜູ້ສະຫມັກຕ້ອງກໍານົດເວລານັດສໍາພາດແລະ ຕໍ່ວີຊາຄືນໃໝ່ໃນລະຫວ່າງໄລຍະເວລາ 365 ວັນນີ້. ກະລຸນາຮັບຊາບວ່າຜູ້ສະໝັກຈະຕ້ອງກຳນົດເວລານັດສຳພາດ ແລະ ຕໍ່ວີຊາຄືນໃໝ່ພາຍໃນໄລຍະເວລາ 365 ວັນເທົ່ານັ້ນ. ບໍ່ມີຂໍ້ກໍານົດການສໍາພາດຕ້ອງເກີດຂຶ້ນໃນໄລຍະ 365 ວັນ. ໃບຮັບເງິນທັງໝົດສໍາລັບການຊຳລະຄ່າທຳນຽມ MRV ທີ່ອອກກ່ອນວັນທີ 1 ຕຸລາ 2022, ແມ່ນຈະໄດ້ຕໍ່ອາຍຸການນໍາໃຊ້ຈົນຮອດວັນທີ 30 ກັນຍາ 2023, ແລະຍັງຄົງໃຊ້ໄດ້ຈົນເຖິງວັນທີນີ້.

ເພື່ອຮັບຮູ້ບັນດາຂໍ້ມູນການຈຳກັດການຕ່າງໆດ້ານເດີ່ນທາງຂອງໂຄງການຍົກເວັ້ນວີຊາ, ລວມມີຄວາມຕ້ອງການກ່ຽວກັບປັດສະປອດເອເຫຼັກໂຕນິກ ກະລຸນາເຂົ້າເບີງໃນເວບ https://travel.state.gov/content/travel/en/us-visas/tourism-visit/visa-waiver-program.html.