ເວລາລໍຖ້າ ວີຊາຄົນເຂົ້າເມືອງຖາວອນ
ຢູ່ໃນໜ້ານີ້:ສະພາບລວມ
ແຕ່ລະກໍລະນີກ່ຽວກັບການຍື່ນຂໍວີຊາຄົນເຂົ້າເມືອງຖາວອນຈະມີຄວາມແຕກຕ່າງກັນໄປ, ເພາະສະນັ້ນມັນຈຶ່ງຍາກທີ່ຈະປະເມີນໄລຍະເວລາ ການດຳເນີນການຂອງແຕ່ລະບຸກຄົນ ໂດຍທົ່ວໄປແລ້ວ, ມີສາມປັດໄຈທີ່ມີຜົນຕໍ່ເວລາໃນການດຳເນີນການ:
ເວລາທີ່ໃຊ້ໃນການດຳເນີນການກັບຄຳຮ້ອງ
ໄລຍະທີ່ USCIS ໃຊ້ໃນການອະນຸມັດຄຳຮ້ອງຈະແຕກຕ່າງກັນໄປ ຂຶ້ນຢູ່ກັບປະເພດຂອງຄຳຮ້ອງຫ້ອງການ USCIS ສະເພາະທີ່ກ່ຽວຂ້ອງ. ຄາດຄະເນເວລາດຳເນີນເອກະສານຂອງຫ້ອງການ USCIS ຕ່າງໆ ໄດ້ໃນເວັບໄຊ໌ນີ້.
ໄລຍະເວລາທີ່ໃຊ້ໃນການດຳເນີນການຜ່ານສູນບໍລິການວີຊາແຫ່ງຊາດ ແລະ ສະຖານທູດ ຫຼື ສະຖານກົງສຸນສະຫະລັດ
ເມື່ອຄຳຮ້ອງຂອງທ່ານໄດ້ຮັບການອະນຸມັດ, ຖ້າວ່າເປັນໝວດຍາດພີ່ນ້ອງ ຫຼື ມີວັນທີພິເສດ, ມັນຈະຂຶ້ນຢູ່ກັບທ່ານເປັນສ່ວນໃຫຍ່ວ່າທ່ານຈະໃຊ້ເວລາດົນປານໃດໃນການນັດວັນ ແລະ ເວລາການສຳພາດ. ຖ້າທ່ານປະຕິບັດຕາມຄຳແນະນຳຂອງ ສູນບໍລິການວີຊາແຫ່ງຊາດ (NVC) ແລະ ຍື່ນເອກະສານທີ່ຈຳເປັນໄດ້ໄວເທົ່າໃດ, ທ່ານກໍຈະສາມາດນັດໝາຍສຳພາດໄດ້ໄວເທົ່ານັ້ນ. ຕາມປົກກະຕິແລ້ວ ການນັດໝາຍສຳພາດຈະແມ່ນໃນເດືອນທີ່ທ່ານໄດ້ຍື່ນເອກະສານຄົບຖ້ວນ. ຕາມປົກກະຕິ ວີຊາຈະອອກໃຫ້ທ່ານພາຍໃນສອງເຖິງສາມວັນຫຼັງການສຳພາດ.
ເວລາເພື່ອໃຫ້ກໍລະນີກາຍເປັນຮອດຜຽນແລ້ວ
ສຳລັບຜູ້ເຂົ້າເມືອງຖາວອນບາງກຸ່ມ, ກົດໝາຍຈະອະນຸຍາດ ໃຫ້ອອກວີຊາໂດຍມີຈຳນວນຈຳກັດໃນແຕ່ລະປີ. ກໍລະນີດັ່ງກ່າວຈະຖືກດໍາເນີນການຢ່າງເຄັ່ງຄັດຕາມລໍາດັບຂອງໃບຄໍາຮ້ອງທີ່ຍື່ນຂໍ (ນີ້ແມ່ນ ວັນທີ ທີ່ໃບຄຳຮ້ອງຖືກຮັບ ຫຼື priority date). ຈະບໍ່ສາມາດອອກວີຊາໃຫ້ໄດ້ຈົນກວ່າຈະຮອດລຳດັບວັນທີ ທີ່ໃບຄຳຮ້ອງຖືກຮັບ (ໃບຄຳຮ້ອງສາມາດນຳມາດຳເນີນການຕໍ່ໄປໄດ້). ອາດຈະໃຊ້ເວລາຫຼາຍປີ. ໃນຂະນະທີ່ບໍ່ສາມາດຊີ້ແຈງຢ່າງເດັດຂາດວ່າຈະໃຊ້ເວລາດົນເທົ່າໃດໃນການດຳເນີນໃບຄຳຮ້ອງຕ່າງໆ,ໃບຂ່າວກ່ຽວກັບວີຊາທີ່ພິມເຜີຍແຜ່ທຸກເດືອນ ຈະລະບຸໃບຄຳຮ້ອງທີ່ກຳລັງດຳເນີນຢູ່ຕາມວັນທີ ທີ່ໃບຄຳຮ້ອງຖືກຮັບ, ຊຶ່ງອາດຈະຊີ້ບອກວ່າຍັງເຫຼືອເວລາອີກດົນປານໃດ.
ໝາຍເຫດ: ເມື່ອຜູ້ຍື່ນໃບຄໍາຮ້ອງປ່ຽນສັນຊາດ, ຜູ້ຍື່ນໃບຄໍາຮ້ອງ F2A ທັງໝົດ (ຄູ່ສົມລົດ ຫຼື ເດັກນ້ອຍທີ່ຍັງບໍ່ໄດ້ບັນລຸນິຕິພາວະຂອງຜູ່ອາໃສຢູ່ຖາວອນ) ຈະປ່ຽນເປັນໃບຄໍາຮ້ອງແບບ IR1 ຢ່າງອັດຕະໂນມັດ (ຄູ່ສົມລົດຂອງພົນລະເມືອງ ສະຫະລັດອາເມລິກາ ຫຼື IR2 (ລູກຂອງພົນລະເມືອງ ສະຫະລັດອາເມລິກາ). ໝວດວີຊາເຫຼົ່ານີ້ຈະບໍ່ໄດ້ຢູ່ໃນລະບົບໂຄຕ້າວີຊາ, ເພາະສະນັ້ນ, ຈະສາມາດອອກວີຊາໂດຍບໍ່ຈຳກັດໃຫ້ແກ່ຜູ້ທີ່ມີສິດໄດ້ຮັບວີຊາ ຖ້າພວກເຂົາມີຄຸນສົບບັດທີ່ເໝາະສົມ ຕິດຕໍ່ USCIS ສໍາລັບຂໍ້ມູນເພີ່ມເຕີມ.