FAQs

Q.1 Gaano katagal dapat ang bisa ng aking pasaporte upang makapag-apply para sa U.S. visa?

Kailangan ninyong magkaroon ng pasaporte na may bisang hindi bababa sa anim na buwan lampas sa inyong balak na panahon ng pagbiyahe sa Estados Unidos (maliban sa mga kasunduang partikular sa isang bansa (country specific agreements) na nagbibigay ng mga exemption)

Q.2 Karapat-dapat ba ako para sa Visa Waiver Program?

Kung ikaw ay natatanging mamamayan ng bansa na sakop ng Visa Waiver Program, kailangan mong magmay-ari ng isang machine-readable e-passport, magbibiyahe lamang para sa pansamantalang pangangalakal o isang bisita na hindi hihigit sa 90 na araw, at makatugon sa ibang mga kailangan ng programa, at makakuha ng permiso sa Sistemang Elektroniko para sa Permiso sa Pagbibiyahe (Electronic System for Travel Authorization (ESTA)). Para sa karagdagang impormasyon sa ESTA, mangyaring mag-klik dito.

Kayo ay kailangang mamamayan ng isang bansa na sakop ng Visa Waiver Program upang magamit ang sistemang ito. Ang mga permanenteng residente ng bansa na may karapat-dapat na VWP ay hindi maaari para sa Visa Waiver Program maliban kung mamamayan din sila ng mga bansa na karapat-dapat na VWP. Minumungkahi naming bisitahin ang Visa Waiver Program website bago sa anumang biyahe sa U.S. upang malaman kung kayo ay karapat-dapat sa porgramang ito.

Q.3 Magkano ang bayad para sa ESTA at sino ang kailangan magbayad nito?
Ang pag-rehistro sa ESTA ay kailangan para sa lahat ng mga nagbibiyahe sa Estados Unidos sa ilalim ng Visa Waiver Program. May bayad na US $14.00 para sa rehistrasyon ng ESTA. Maaari itong bayaran online gamit ang credit o debit card ng Visa, MasterCard, American Express, o Discover. Ang ikatlong partido (ahente sa pagbibiyahe, miyembro ng pamilya, at iba ba) ay maaaring magbayad ng inyong ESTA para sa inyo kung kayo ay walang tamang uri ng credit card. Kung ang rehistrasyon ng ESTA ay hindi tanggapin, ang bayad ay US 4.00 lamang.
Q.4 Kung ako ay magbibiyahe sa Estados Unidos ng walang ESTA, anong mangyayari?

Ang mga nagbibiyahe sa ilalim ng Visa Waiver Program na hindi kumuha ng permiso sa ESTA ay umasang tatanggihang makasakay sa anumang sasakyang panghimpapawid patungo sa Estados Unidos. Kung kayo, sa anumang hindi inaasahan dahilan, ay pinayagang makasakay, asahan ninyong makararanas kayo ng pagkaantala at posibleng pagtanggi para sa pagpasok sa port of entry ng U.S. (halimbawa, pagdating sa paliparan). Ang pagrehistro ng ESTA ay nangangailangan lamang ng kaunting minuto para makompleto, ang permiso ay kadalasang dumadating sa loob ng mga segundo, at ito ay may bisa ng dalawang taon.

Q.5 Kung ako ay isang mamamayan ng pangatlong-bansa (third-country) na nakatira sa Pilipinas, maaari ba akong mag-apply para sa isang nonimmigrant visa sa Pilipinas?
Sinumang tao na legal na nakatira sa Pilipinas ay maaaring mag-apply para sa isang visa dito. Gayunman, kailangan magpasiya ng mga aplikante kung saan mag-aapply hindi lamang dahil mas madaling makakuha ng petsa ng interview o panayam sa isang Embahada o Konsulado.  . Isang bagay na dapat isaalang-alang, halimbawa, ay kung saang distrito may pinakamalakas na ugnayan ang aplikante.

Walang kasiguraduhan na isang visa ang maibibigay, at wala ring garantiya sa oras ng pagproseso. Kung hindi mabigyan ng visa, hindi na mababawi ang bayad sa MRV fee. Ang mga aplikante ay karaniwang pinapayuhang mag-apply sa kanilang bansa ng pagkamamayan o kung saan sila residente.
Q.7 Lahat ba ng aplikante ng nonimmigrant visa ay kailangang pumunta sa Embahada para sa panayam?

Oo, para sa karamihan ng mga aplikante. Ang mga sumusunod na aplikante ay hindi kailangan magpakita ng personal:

  • Mga aplikante para sa A1, A2 (mga opisyal na magbibiyahe na padala ng gobyerno), C2, C3 (mga opisyal ng gobyerno na magbibiyahe ng opisyal) o G1, G2, G3, G4 ( mga opisyalgobyerno na may ugnayan sa isang pandaigdigang organisasyon, o mga empleado ng pandaigdigang organisasyon.)

Q.8 Mayroon akong nonimmigrant visa na malapit nang mapaso at gusto ko itong i-renew. Kailangan ko bang dumaan ulit sa buong proseso ng aplikasyon ng visa?

Oo, bawat aplikasyon para sa nonimmigrant na visa ay hiwalay na proseso. Kayo ay kailangang mag-apply sa karaniwang pamamaraan, kahit na kayo ay may dati nang visa at kahit na ang inyong kasalukuyang visa ay may bisa pa.

Q.9 Ang aking pasaporte ay napaso na, pero ang U.S. visa ay may bisa pa. Kailangan ko bang mag-apply para sa bagong visa?

Hindi. Kung ang inyong visa ay may bisa pa at walang marka o walang pinsala, maaari kayong magbiyahe gamit ang inyong dalawang magkasamang pasaporte (luma at bago), kung ang layunin ng inyong pagbibiyahe ay tugma sa inyong kasalukuyang nonimmigrant visa. Ang pangalan at ibang mga personal na datos ay dapat na pareho sa dalawang pasaporte (maliban kung ang pagbabago ng pangalan ay dahil sa pag-aasawa), at dalawang pasaporte ay dapat na nanggaling sa parehong bansa at parehong uri (hal., parehong pasaporteng pangturista at parehong diplomatikong pasaporte).

Mangyaring tandaan na kung ang pagbabago ng pangalan ay dahil sa pag-aasawa, maaari kayong magbiyahe sa Estados gamit ang parehong pasaporte at ang inyong katibayan ng pag-aasawa (marriage certificate).

Q.10 Mayroon akong dual citizenship. Aling pasaporte ang dapat kong gamitin upang magbiyahe sa Estados Unidos?

Ang mga mamamaya ng Estados Unidos, kahit ang dual citizen/national, ay kailangang pumasok at umalis ng Estados Unidos gamit ang US na pasaporte. Hanggat isa sa inyong pagkamamamayan ay hindi U.S., maaari kayong mag-apply alinmang nasyonalidad ang gusto ninyo, ngunit kailangan ninyong sabihin sa inyong pormularyo ng aplikasyon sa Embahada/Konsulado ang lahat ng inyong nasyonalidad.

Q. 11 Paano ko mapapa-extend ang aking visa?

Ang bisa ng isang visa ay hindi maaaring ma-extend ano mang uri nito. Kailangan ninyong mag-apply ulit ng panibago.

Q.12  Kailangan ko bang magsumite electronically ng aking aplikasyon ng visa?

Oo, kailangan ninyong punan ang DS-160 at dalhin ang kopya ng kompirmasyon ng CEAC kapag pupunta para sa inyong panayam sa Embahada.

Q.13 Ano ang “administrative processing”?

Ilang mga aplikasyon ng visa ay kailangan ng karagdagan prosesong administratibo, na nangangailangan ng karagdagang panahon pagkatapos ng panayam ng konsul. Ang mga aplikante ay sinasabihan sa pangangailangan ito sa araw ng kanilang panayam. Karamihan sa prosesong administratibo ay nareresolba sa loob ng 60 na araw matapos ang huling ng panayam para sa visa. Alamin pa.

Q.14 Paano ko babasahin at maiintindihan ang aking visa?

Kapag natanggap ang inyong visa, siyasatin upang masiguro na ang lahat ng inyong impormasyong personal na nakalagay sa visa ay tama. Kung anumang impormasyon sa inyong visa ay hindi tugma sa impormasyon sa inyong pasaporte, mangyaring kaagad makipag-ugnayan sa Embahada.

Ang petsa ng pagkakapaso (expiration date) ng inyong visa ay ang huling araw na maaaring magamit ang visa upang makapasok sa Estados Unidos. Hindi ito nagsasaad kung gaano kayo katagal maaaring tumira sa Estados Unidos. Ang inyong pagtira ay pagpapasiyahan ng U.S. Customs and Border Protection sa inyong lugar ng pagpasok (port of entry).

Ang karagdagang impormasyon sa pagpapaliwanag sa inyong visa ay makikita sa Mga Katanungan Tungkol sa Mga Visa

Q.15 Ano ang mangyayari kapag ako ay pumasok sa U.S.?

Ang inyong airline ay dapat magbigay sa inyo ng isang blankong I-94 (o I-94W para sa mga visa waiver traveler) at isang Customs Declaratioin na Form 6059B. Bawat nagbibiyahe ay kailangang magkompleto ng I-94; isa lamang Customs Declaration ang kailangan para sa isang pamilyang nagbibiyahe ng magkakasama.

Ang isang visa ay hindi gumagarantiya ng pagpasok sa Estados Unidos, ngunit nagpapahintulot sa mga banyagang galing sa ibang bansa upang magbiyahe sa U.S. port of entry at humiling ng permiso na makapasok sa Estados Unidos.

Ang mga opisyales ng Department of Homeland Security, U.S. Customs and Border Protection (CBP) ay may kapangyarihan upang payagan o tanggihan ang pagpasok sa Estados Unidos, at magpasiya kung gaano katagal maaaring mamalagi ang isang manlalakbay. Sa lugar ng pagpasok, matapos magbigay ng permiso upang makapasok sa Estados Unidos, ang opisyal ng Customs and Border Protection ay maglalagay ng isang maliit na kard, Form I-94, Arrival-Departure Record sa inyong pasaporte. Ang mga Visa Waiver Program na nagbibiyahe ay makatatanggap ng Form I-94W. Sa form na ito, itatala ng opisyal ang petsa o “D/S” (duration of status). Kung ang inyong I-94 ay naglalaman ng partikular na petsa, iyon ang petsa na kailangan ninyong umalis ng Estados Unidos. Ang inyong I-94 o I-94W ay isang napakahalagang dokumento na kailangang itago sa inyong pasaporte, dahil ito ay nagpapakita sa kapahintulutan sa paglalagi sa Estados Unidos. Repasuhin ang impormasyon tungkol sa Pagkakatanggap (Admission) sa CBP Website. Maari ring basahin ang Tagal ng Pamamalagi (Duration of Stay)

Q.16 Hindi ko naibigay ang aking I-94 noong ako ay umalis ng Estados Unidos. Ano ang dapat kong gawin?

Ang I-94 o I-94W ay karaniwang ini-staple ng opisyal ng CBP sa inyong pasaporte. Huwag ninyo itong tanggalin. Ang tauhan ng airline ang dapat magtanggal nito kapag mag-checheck in para sa inyong biyahe palabas ng Estados Unidos. Kung kayo ay dumating sa bahay na nasa inyo pa ang I-94 sa inyong pasaporte, kayo ay responsible para ito ay ipadala, kasama ang katibayan ng inyong pag-alis (hal. isang kopya ng inyong boarding pass, pahayag ng frequent flier o pasaporteng nagpapakita sa parehong pahina ng bio data at pahina ng pagpasok sa non U.S. na mga destinasyon), sa:

DHS CBP ACS
1084 South Laurel Road
London KY 40744 USA

Huwag itong ibigay sa Embahada o anumang ibang opisina. Kung hindi ninyo aayusin ng mabuti sa DHS ang inyong pag-alis kayo ay maaaring ituring na iligal na namalagi sa U.S. at hindi na magiging karapat-dapat na makapasok muli sa hinaharap.

Pagkakait ng Visa – hiwalay na pahina
Ang Estados Unidos ay isang bukas na lipunan. Hindi tulad ng ibang maraming bansa, ang Estados Unidos ay hindi nagpapataw ng panloob na pagpipigil sa karamihan ng mga bisista, tulad ng rehistrasyon sa mga lokal na awtoridad. Upang masiyahan sa mga pribilehiyo na walang hadlang sa Estados Unidos, ang mga dayuhan ay may responsibilidad na patunayan na sila ay babalik sa pinanggalingang bansa bago maibigay ang isang visitor o student visa. Ang batas sa immigration ay humihiling sa mga konsul na tingnan ang bawat aplikante ng visa bilang isang nagbabalak na mamalagi sa Estados Unidos ng matagal na panahon hanggat mapatunayan ng aplikante na ito ay walang katotohanan.

Q.17 Ano ang Seksyon 214 (b)

Ang Section 214 (b) ay bahagi ng Immigration and Nationality Act (INA). Ito ay nagsasaad na:

Bawat dayuhan ay ipapalagay na isang “immigrant” hanggat kanyang mapatunayan ng katanggap-tanggap sa opisyal ng konsulado, sa panahon ng aplikasyon para sa visa, na siya ay may karapatan sa isang estado na nonimmigrant...

Upang maging karapat-dapat para sa isang visitor o student visa, ang isang aplikante ay kailangan makatugon sa mga kailangan ng Section 101 (a)(15)(B) o (F) ng INA. Ang hindi pagtugon dito ay magreresulta sa hindi pagbibigay ng visa sa ilalim ng INA 214(b). Ang karamihang basehan para sa hindi pagbibigay ng visa ay tungkol sa nararapat na pagkakaroon ng prospektibong bisita o estudyante ng sapat na patunay ng paninirahan sa bansang panggagalingan (o kahit abroad) na hindi balak iwan.  Papatunayan ng mga aplikante ang pagkakaroon ng naturang paninirahan sa pamamagitan ng pagpapakita na sila ay may ugnayan sa ibang bansa o sa bansang panggagalingan na magtutulak sa kanila upang lumabas ng Estados Unidos sa katapusan ng pansamantalang pamamalagi. Ang batas ay naglalagay ng pasanin ng pagpapatunay sa aplikante.

Ang mga konsul ay may mahirap na trabaho. Kailangan nilang magpasiya sa napakaikling oras kung ang isang tao ay karapat-dapat na makakuha ng pansamantalang visa. Karamihan sa mga kaso ay napagpapasiyahan pagkatapos ng maikling panayam at pagrerepaso ng anumang mga katibayan ng ugnayan na ipinapakita ng aplikante.

Q.18 Paano mapapatunayan ng isang aplikante ang “strong ties”?

Ang malakas na ugnayan (strong ties) ay iba-iba mula sa bawat bansa, bawat lungsod, bawat indibidwal. Ilang halimbawa ng mga ugnayan ay trabaho, bahay, pamilya, o bank account. Ang mga “ugnayan (ties)” ay ang ibat-ibang mga aspeto ng inyong buhay na nagtitiyak sa inyo o sa inyong bansa ng paninirahan: inyong mga ari-arian, trabaho, ugnayang panlipunan at pampamilya.

Isipin ninyo ang inyong sariling ugnayan sa bansa kung saan kayo nakatira. Isasaalang-alang ba ng isang konsul ng isang taga-ibang bansa na kayo ay may tirahan na walang layong iwan? Malamang ang sagot ay “oo” kung kayo ay may trabaho, pamilya, kung kayo ay may sarili o inuupahang bahay o apartment, o kayo ay may ibang kompromiso na kakailanganin ninyong bumalik sa bansang iyon sa pagtatapos ng bisita sa Estados Unidos. Ang kalagayan ng bawat tao ay magkaka-iba.

Alam ng mga konsulang pagkakaiba-ibang ito. Sa panahon ng panayam para sa visa tinitignan nila ang bawat aplikasyon ng isa-isa at isinasaalang-alang ang propesyunal, panlipunan, kultural at ibang mga bagay. Sa mga kaso ng mga nakababatang mga aplikante na maaaring wala pang gaaanong oportunidad para magkaroon ng maraming ugnayan, maaaring tumingin ang mga konsul sa partikular na layon ng mga aplikante, kalagayan ng pamilya, at mga pang-mahabaang plano at mga inaasahang bagay sa kaniyang bansa ng tirahan. Bawat kaso ay isa-isang sinusuri at ginagawaran ng konsiderasyon sa ilalim ng batas.

Q.19 Permanente ba ang Pagkakait sa ilalim ng Seksyon 214(B)?

Hindi. Ang mga konsul ay nagsasaalang-alang muli kung ang aplikante ay makakapagpakita ng karagdagang kapani-paniwalang ebidensiya ng ugnayan sa labas ng Estados Unidos. Sa kasamaang-palad, ilang mga aplikante ay hindi magiging karapat-dapat para sa isang nonimmigrant visa, kahit makailang beses silang mag-apply, hanggat hindi tunay na magbago ang kanilang personal, propesyunal, at kalagayang pinansiyal.

Ang isang aplikante na pinagkaitan sa ilalim ng Seksyon 214(b) ay dapat magrepaso ng kanilang kalagayan at tunay na suriin ang kanilang mga ugnayan. Maaari nilang isulat sa papel ang mga katanggap-tanggap na mga ugnayan na sa palagay nila ay mayroon sila na maaaring hindi nasuri sa panahon ng panayam ng opisyales ng konsulado. Ang mga aplikante na napagkaitan ng visa sa ilalim ng seksyon 214(b) ay maaaring mag-apply muli ng visa. Kung gagawin nila ito, kailangan nilang magpakita ng karagdagan katibayan ng kanilang mga ugnayan o kung paano nagbago ang kanilang kalagayan mula noong panahon ng orihinal na aplikasyon. Maaaring makatulong ang pagsagot sa mga sumusunod na mga katanungan bago mag-apply muli. (1) Naipaliwanag ko ba ng tama ang aking kalagayan? (2) Mayroon bang hindi nakita ang konsul? (3) May karagdagan bang anumang impormasyon ang aking maipapakita upang mapatunayan ang aking pagtira at malakas na ugnayan sa ibang bansa?

Kailangan din isaisip ng mga aplikante na sila ay sisingilin ng hindi isasauling bayad sa aplikasyon sa bawat pag-aaply ng visa, kahit saan pa naissue ang visa.

Q.20 Sino Ang Maaaring Makaimpluensiya Upang Mabaliktad ang Pasiya ng Opisyal ng Konsulado?

Ang batas sa immigration ay nagbibigay ng responsibilidad sa pagbibigay o pagkakait ng mga visa sa mga konsul o opisyales ng konsulado sa ibang bansa. Sila ay may huling pagpapasiya sa lahat ng mga kaso ng visa. Sa regulasyon, ang Department of state ng Estados Unidos ay may kapangyarihan upang magrepaso sa mga pasiya ng Embahada, ngunit ang kapangyarihang ito ay limitado sa interpretasyon ng batas, bilang paghahambing upang malaman ang mga katotohanan. Ang tanong sa isyu sa gayong mga pagkakait, kung ang aplikante ay nagtataglay ng mga kailangang pagtira sa ibang bansa, ay isang katotohanan. Samakatuwid, ito ay ekslusibong nasa kapangyarihan ng opisyales ng konsulado sa bawat Foreign Service post para resolbahin. Maaaring lamang maimpluwensiyahan ng aplikante ang post upang baguhin ang naunang pagkakait ng visa kung makakapagpapakita ng bagong katanggap-tanggap na mga katibayan ng malakas na ugnayan.

Para sa impormasyon tungkol sa mga hindi katanggap-tanggap na visa maliban sa 214(b), mangyaring bisitahin ang website ng Department of State sa: http:travel.state.gov/visa/frvi/ineligibilities/ineligibilities_1364.html.