Mga Kalimitang Tanong sa Business/ Tourist Visa

Q.1 Gaano katagal akong maaaring manatili sa US sa isang tourist o business visa?

Ang isang US nonimmigrant visa ay nagpapahintulot sa paglalakbay sa alinmang Port of Entry (airport/seaport) sa Estados Unidos. Kapag dumating ka na sa iyong patutunguhang Port of Entry, ang opisyal ng US Customs and Border Protection na ang magde-desisyon kung gaano ka katagalna pwedeng manatili sa panahon ng iyong pagbisita. Maaari kang maglakbay sa Port of Entry habang balido ang iyong nonimmigrant visa at hanggang sa huling araw na ito ay balido pa. Hindi nangangahulugan na ang visa validity ay haba ng panahon na ikaw ay maaaring manatiling legal sa Estados Unidos; ang opisyal ng Customs and Border Protection officer lamang ang maaaring magpasiya nito sa iyong pagdating sa Estados Unidos.

Q.2 Ang aking visitor visa (B-1/B-2) ay mapapaso na pagkatapos ng aking hinahangad na petsa ng pagdating sa U.S. Kailangan ko bang kumuha ng bagong visa bago ako umalis?

Maaari kang dumating sa US hanggang sa huling petsa na balido and iyong visa. Ang opisyal ng Customs and Border Protection r ang magtatakda ng tagal ng iyong pananatili sa US. Ang iyong visa ay maaaring mapaso habang ikaw ay nasa US pa rin – siguraduhin mo lamang na hindi ka mananatili ng mas matagal sa panahong itinakda.

Q.3 Ang aking US visa ay mapapaso na sa susunod na 6 na buwan. Pwede ba akong mag-apply ng visa pag ito ay napaso o pwede ba akong mag-apply ng mas maaga?

Hindi mo kailangang maghintay hanggang ang iyong kasalukuyang visa ay mapaso. Maaari kang mag-apply para sa isang bagong visa kahit na ang iyong kasalukuyang visa ay balido pa.

Q.4 Sa kasalukuyan,mayroon akong balidong B-1/B-2 visa sa aking lumang pasaporte taglay ang aking apelyido noong ako ay dalaga pa. Gusto kong ilipat ang visa sa aking bagong pasaporte, na kung saan ay taglay ko na ang pangalan ng aking asawa. Paano ko ito magagawa?

Hindi maaaring ilipat ang US visa mula sa isang lumang pasaporte. Maaari kang maglakbay sa Estados Unidos dala ang parehong pasaporte pati na rin ang iyong marriage certificate, o maaari kang mag-aplay ng panibagong visa..

Q.5 Ang aking kasalukuyang US visa ay inisyu sa akin para sa dati kong trabaho. Sa aking bagong trabaho sa isang bagong kumpanya, nais ng employer ko na dumalo ako sa isang pagpupulong na naka-schedule sa susunod na buwan sa Estados Unidos. Maaari ko bang gamitin ang parehong visa o kailangan kong mag-apply para sa isang bagong visa?

Maaari mong gamitin sa paglalakbay sa Estados Unidos ang iyong visa hangga't ito ay balido para sa negosyo o pamamasyal.

Back