Mamamahayag at Media

Paglalarawan

Ang media (I) visa ay isang nonimmigrant visa para sa kinatawan ng mga dayuhang media na pansamantalang maglalakbay sa Estados Unidos upang gawin ang kanilang trabaho pero ang kanilang pangunahing opisina ay nasa tinitirhang bansa.  . Minsan pinapairal ng U.S. ang “reciprocity” kung saan sumusunod ang U.S. sa ilang pamamaraan at o kabayaran sa ilalim ng batas ng imigrasyon ng mga bansang tinitirhan ng aplikanteKailangang tingnan kung umiiral sa isang bansa ang “reciprocity” at ito ay isaalang-alang  sa pag-aaral ng isang aplikason ng I visa .   Dapat matugunan ng isang aplikante ang mga nakatakdang pangangailan para  maging kuwalipikado sa I visa  na naaayon sa batas ng US immigration.

Mga kwalipikasyon

Dapat ipakita ng aplikante na  kwalipikado siya sa isang media . Ang media visa ay para sa "mga kinatawan ng dayuhang media," kabilang ang mga kasapi ng industriya ng mga mamahayag, radyo, pelikula o print, na ang mga aktibidad ay mahalaga sa operasyon ng banyagang media, tulad ng mga reporters, film Crews, editor at mga taong katulad sa trabaho, sa ilalim ng batas imigrasyon ng US, na maglalakbay sa US upang gawin ang kanilang trabaho. Ang aplikante ay dapat na gumaganap ng mga kwalipikadong tungkulin bilang miyembro ng  isang organisasyon ng media kung saan ang pangunahing opisina ay nasa tinitirhang bansa. Sakop ng kwalipikadong tungkulin ang  pagkuha ng mahalagang impormasyon, at may kinalaman sa proseso ng pagkuha ng balita, pag-uulat sa aktwal na kasalukuyang mga pangyayari.. Ang konsulado ang magsasabi kung ang isang aktibidad ay pwede sa I visa. Karaniwang sakop ng I visa ang pag-uulat ng sports. Ang mga sumusunod ay mga iba pang mga halimbawa, ngunit hindi limitado dito,  kwalipikadong aktibidades ng media:
  • Pangunahing empleyado ng mga banyagang media na kumukuha (film) ng balita o documentary.
  • Ang mga miyembro ng media na bahagi sa produksyon o pamamahagi ng mga pelikula ay maari lamang maging kwalipikado para sa isang I visa kung ang pelikula ay gagamitin upang ikalat ang impormasyon o balita. Bukod dito, ang pangunahing pinagkukunan at pamamahagi ng pagpopondo ay dapat sa labas ng U.S.
  • Mamamahayag na nagtatrabaho sa ilalim ng kontrata-Ito ay mga mamahayag na may kredensyal na inisyu ng isang propesyonal na organisasyon ng mga periyodista, kung nagtatrabaho sa ilalim ng kontrata sa isang produkto upang magamit sa ibang bansa upang ikalat ang impormasyon o balita,  hindi  para sa komersyal na entertainment o advertising. Mangyaring tandaan na ang isang may-bisang kontrata ay kailangan.
  • Empleyado ng independiyenteng mga kompanya ng produksyon na may hawak na kredensyal na inisyu ng isang propesyonal na samahan ng mga periyodista.
  • Dayuhang mamamahayag nagtatrabaho para sa isang sangay ng opisinang internasyonal o subsidiary ng isang US network, dyaryo o iba pang media palabasan, kung ang journalist ay pupunta sa US upang kumuha ng  kaganapan sa U.S. para lamang sa isang banyagang audience.
  • Kinikilalang kinatawan ng mga sangay ng gobyerno ng ibang bansa na humahawak ng tourism na ang pangunahing tungkulin ay ihayag ang impormasyong pangturista pero hindi sila karapat-dapat sa A-2 visa.
  • Teknikal na impormasyong pang industriya -empleyado ng opisina ng organisasyon na nasa US na ipinapamahagi ang mga teknikal na pang-industriya impormasyon.

Dapat mag-apply ng I visa ang mga mamamayan ng isang bansang kalahok sa Visa Waiver Program (VWP) na nais na pumasok sa Estados Unidos pansamantala, bilang mga kinatawan ng mga dayuhang media na maglalakbay sa Estados Unidos Hindi sila maaaring pumasok ng U.S, ng walang I visa o gamit ang isang B-1/B-2 visa; Ang magtangkang pumasok ng walang I visa  ay magreresulta sa isang pagtanggi ng pagpasok sa US ng Customs at Border Protection officer sa port of entry. Tingnan ang impormasyon sa ibaba, na nagpapaliwanag ng sitwasyon kung ang isang visitor visa o Visa Waiver Program ay maaaring gamitin.

Kailan maaaring gumamit ng Visitor Visa?
  • Upang dumalo sa isang pagpupulong o pulong: kinatawan ng media na pupunta sa US upang dumalo sa kumperensya o pulong bilang isang kalahok at hindi mag-uulat tungkol sa pagpupulong habang nasa US o pagbalik sa kanilang bansa. Ang pagkakaiba sa immigration law ay kung sila ay gaganap ng kanilang propesyon."
  • Panauhing tagapagsalita, lecturing, na bahagi ng akademikong aktibidad: Kapag naglalakbay para sa layunin ng guest speaker, lecturing, o iba pang mga karaniwang mga akademikong mga aktibidad, na kung saan sila ay makakatanggap ng isang honoraryum mula sa isang institusyon ng mas mataas na edukasyon, o isang kaugnay na non-profit entity , isang hindi pangkalakal organisasyon ng pananaliksik, o ng isang organisasyon ng pamahalaang pananaliksik.  Gayunman, ang pagsasalita ay hindi dapat lalampas ngsiyam na araw sa isang solong institusyon at ang speaker ay hindi dapat tatanggap ng bayad mula sa higit pa sa limang institusyon o organisasyon para sa mga tulad na gawain sa huling anim na buwan.
  • Upang bumili ng kagamitang pang media: Ang isang visitor visa ay maaaring gamitin ng mga empleyado sa pagbili sa US ng kagamitan pang media o broadcast o kumuha ng mga order para sa mga banyagang kagamitan o karapatang pang broadcast, dahil sila ay itinuturing na ordinaryong bisita sa negosyo.
  • Bakasyon: Ang isang dayuhang mamamahayag na media, na hindi magkaroon ng isang media visa, maaaring kumuha ng bakasyon sa US sa isang visitor visa, at hindi kailangan ng isang media visa, basta hindi siya mag-uulat sa isang bagay na newsworthy.
Mga Kaukulang Gawain na Nagtatakda ng Pangangailangan ng paggamit ng Visitor Visa sa halip na Media Visa

Bagaman at may mga ilang kaukulang gawain na malinaw na sumasaklaw lamang sa pangangailangan ng paggamit ng tinatawag na media visa sa kadahilanang ang mga gawaing ito ay isa lamang pangangalap ng impormasyon at balita, marami pa rin ang mga bagay na hindi maituturing na nabibilang sa ganitong kategorya ng uri ng visa. Sa pagpapasya kung ang isang gawaing pang media ay nararapat na gawaran ng media visa, kailangan ay masusing pagtuunan ng pansin ng pinuno ng konsulado kung ang mga gagawing aktibidad ng mga kasapi ng media ay maituturing lamang na isang pagbibigay ng kaalaman at impormasyon at kung ang mga naturang gawain ba ay sumasaklaw pa rin sa normal na proseso ng pangangalap ng balita. Ang mga kaukulang gawain na makikita sa talaan sa ibaba ay tumutukoy sa mga halimbawa ng mga hindi maaaring magawaran ng media visa at mangangailangan ng paggamit ng temporary worker type visa gaya ng H,O at P visa. Para sa higit pang impormasyon hinggil sa work visas, tingnan ang link na ito [       ]. Pillin ang Temporary Workers at buksan ang link ng Department of Homeland Security, USCIS
  • Mga materyal para sa komersyal na libangan at pagpapatalastas- hindi maaaring gumamt ng media visa para magsapelikula ng isang materyal o kahit na sa mga manggagawang naglalayong magtrabaho para sa isang pelikula na ang pangunahing layunin ay magsagawa ng isang komersyalisadong uri ng palabas o anunsyo. Sa puntong ito ay kinakailangan ang isang worker visa.
  • Proofreaders, librarians at mga set designers- ang mga taong nauugnay sa ganitong uri ng trabaho ay hindi maaaring mabigyan ng media visa at maaaring mangailangan ng iba pang uri ng visa gaya ng H, O at P visa.
  • Mga dula, palabas sa telebisyon at mga quiz show- ang mga kwentong isinasadula, bagama’t wala itong sinusunod na script gaya ng mga reality show at mga quiz show ay hindi maituturing na gawain ng pamamahayag. Kahalintulad din ng mga gawaing ito, ang mga dokumetaryo na kung saan ay may mga actor na nagsisipagganap ay hindi rin maituturing na isang gawaing impormasyonal. Ang mga taong kasapi ng ganitong uri ng produksyon ay hindi maaaring magawara sa ilalim ng media visa. Ang mga tanggapan ng mga telebisyon, radio at mga kompanya ng produksyon ng pelikula ay maaaring humingi ng tulong mula sa isang abogado na may kaalaman hinggil sa imigrasyon na may kaalaman at kasanayan hinggil sa ganitong uri ng trabaho ng media na tutugma sa proyektong kanilang isasagawa sa labas ng kanilang bansa.
  • Mga produksyong may nilalaman na sining at arte- Hindi mapapagkalooban ng media visa ang mga kinatawan ng media na bibiyahe sa Amerika upang makilahok sa isang produksyon na may kinalaman sa produksyon ng arte at sining ( na madalas ay nilalahukan ng mga actor). Ang mga tanggapan ng mga telebisyon, radio at mga kompanya ng ga produksyon ng pelikula ay maaaring humingi ng tulong mula sa isang abogado na may kaalaman hinggil sa imigrasyon na may kaalaman at kasanayan hinggil sa ganitong uri ng trabaho ng media na tutugma sa proyektong kanilang isasagawa sa labas ng kanilang bansa.

Mahalagang paunawa: Ang mga mamamahayag na freelance ay maaaring mapagkalooban ng tinatawag na I  visa kung  (1) sila ay may karampatang kredensyal mula sa isang propesyonal na samahan ng mga mamamahayag (2) kung sila ay kasapi ng isang organisasyon ng media (3) kung sila ay magpapahayag ng balita na walang halong komersyal na layunin.

Paano ang mga potograpo?
Ang mga potograpo ay maaaring makapasok sa Estados Unidos sa pamamagitan ng B-1 visa subalit sa kondisyong sila ay kukuha lamang ng mga larawan at hindi tatanggap ng ano mang kabayaran o sahod mula sa kahit anong entidad mula sa Estados Unidos.

Iba pang impormasyon

Mga Kaanak

Ang mga asawa o ang mga anak na soltero na hindi hihigit sa 21 taong gulang na nagnanais na samahan ang mga principal visa holder sa Estados Unidos ay nangangailangang ng I visa sa loob ng kanilang pamamalagi sa bansa. Ang mga asawa at/o ang mga anak na walang pagnanais na manirahan sa Amerika kasama ang principal visa holder subalit gusto lamang bumisita para magbakasyon ay maaaring mag-apply ng visitor (B-2) visa.

Ang mga asawa o mga kaanak ay hindi maaaring magtrabaho sa Estados Unidos gamit ang derivative I visa. Kung nagnanais na magtrabaho ang sinuman sa Amerika ay nararapat lamang na gumamit ng karampatang uri ng visa.

Mga Kinakailangan sa Pag-Apply.

Dapat magsumite ng mga sumusunod ang bawat aplikante na nagnanais na magkaroon ng I visa:
  • * Online Nonimmigrant Visa Electronic Application, Form DS-160. Puntahan ang DS-160 website para sa detalye hinggil sa pagpro-proseso ng DS-160 online.
  • * Pasaporte na balidong gamitin sa Estados Unidos na may bisa pa ng higit pa sa anim na buwan ng takdang pamamalagi sa Amerika (maliban na lamang sa mga eksempsyon na itinatakda ng espesipikong kasunduan ng bawat bansa) Kung higit sa isang tao ang nasa ilalim ng bisa ng paggamit ng iisang pasaporte, nararapat lamang na mag-sumite ang bawat tao ng kani-kanilang sariling visa application form.
  • *Isang (1) 2X2 picture. I-click ang bahaging ito para makita ang kinakailangang photo format.
  • *Resibong nagpapatunay ng kabayaran sa visa application processing fee na $140 (hindi maaaring i-refund). Mangyaring tingnan ang Visa Fees para sa karagdagang detalye sa pagbabayad nito. Maaari ring magkaroon ng karagdagang bayad o reciprocity fee sa panahong mai-issue na ang visa depende sa nasyonalidad ng nag-apply. Mangyaring tingnan ang VISA RECIPROCITY TABLE para higit na malaman ang detalye kung dapat ka pa magbayad ng karagdagang visa issuance reciprocity fee at para sa iba pang kaukulangfees.
  • * Katunayan ng pagtratrabaho
    • * Para sa staff journalist- isang liham mula sa pinagtratrabahuhan na nagsasaad ng pangalan ng manggagawa, katungkulan sa kompanya at ang dahilan at haba ng pananatili sa Amerika.
    • * Para sa freelance na mamamahayag na nagtratrabaho ng kontraktwal para sa isang organisasyon ng media- Kopya ng kontrata sa organisasyon ng media na nagpapakita ng pangalan ng manggagawa, katungkulan sa kompanya at ang dahilan at haba ng pananatili sa Amerika
    • * Mga manggagawa para sa isang pelikula: - isang liham mula sa pinagtratrabahuhan na nagsasaad ng pangalan ng manggagawa, katungkulan sa kompanya at ang titulo at maiksing deskripsyon ng programang kukunan sa Amerika at ang haba ng panahong kinakailangan para dito.
    • *Mga independent production company na nasa ilalaim ng kontrata ng anumang organisasyon ng media: isang sulat mula sa organisasyon na nagpapagawa ng proyekto na may nakasaad na mga sumusunod na detalye: pamagat at maiksing salaysay tungkol sa programang kukunan at ang haba ng panahong kinakailangan sa pagkuha ng programa sa Amerika at ang haba ng kontrata ng naturang proyekto.
Karagdagan pa sa mga nabanggit na ito, ang bawat aplikante ay nangangailangang magpakita ng interview appointment letter na nagpapatunay ng kanilang pagsang-ayon sa itinakdang petsa ng appointment. Maaari ring magdala an aplikante ng iba pang dokumento na maaaring makatulong sa pagsuporta sa mga papeles na kanilang ipapakita sa opisyal ng konsulado.

Ilan lamang sa mga ikokonsidera ng opisyal ng konsulado ang mga dokumentong iyong dadalhin sa takdang araw ng iyong panayam. Sinusuri ring mabuti ng mga opisyal ng konsulado ang bawat aplikasyon base sa mga aspetong propesyonal,sosyal, kultural at iba pang bagay. Maaari ring isaalang-alang ng mga pinuno ng konsulado ang bawat intensyon, sitwasyong pampamilya at ang mga pang-matagalang plano ng isang aplikante sa loob ng kanyang bansa.Bawat sitwasyon ay tinitingnan base sa kani-kanilang sitwasyon at ang karampatang konsiderasyon na naaayon sa batas ay ibinibigay ng mga ito sa bawat aplikante.

Babala: Huwag magpresenta ng mga palsipikadong dokumento. Ang panlilinlang at maling paggamit ng impormasyon ay maaaring magresulta sa permanenteng pagbabawal na magawaran ng visa

Mga supporting documents:
  • * Press card/ kredensyal
  • *Sulat mula sa organisasyong pinagtatrabahuhan na nagsasaad ng layunin ng paglalakbay, tagal ng panahong kakailanganin para sa misyon at bilang ng taong nagtratrabaho sa ilalim ng organisasyon at mga karanasan sa periodismo at panulat.
Mga Kaanak:

Kung ang asawa at/o ang mga anak ay mas mahuhuling mag-aapply ng visa kaysa sa principal visa holder, kelangang magpakita ng media visa sa panahon ng pag-aapply

Para sa karagdagang impormasyon hinggil sa I visa, mangyaring tingnan ang Department of State website: https://travel.state.gov/content/travel/en/us-visas/employment/visas-members-foreign-media-press-radio.html
Back