រាល់វិក័យប័ត្របង់ថ្លៃទិដ្ឋាការ (MRV)ដែលចេញមុនថ្ងៃទី 1 ខែតុលា ឆ្នាំ 2022 នឹងផុតកំណត់នៅថ្ងៃទី 30 ខែកញ្ញា ឆ្នាំ 2023 ។ ថ្លៃទិដ្ឋាការនេះមិនអាចពន្យារសុពលភាពបានឡើយ។ បេក្ខជនត្រូវកំណត់ពេលណាត់ជួបសម្ភាសន៍ ឬដាក់ពាក្យសុំលើកលែងការសម្ភាសន៍ឱ្យបានមុនថ្ងៃទី 30 ខែកញ្ញា ឆ្នាំ 2023 ដើម្បីចៀសវាងការបង់ថ្លៃទិដ្ឋាការសារជាថ្មី។ សូមចំណាំថាការសម្ភាសន៍មិនតម្រូវឱ្យធ្វើឡើងមុនថ្ងៃទី 30 ខែកញ្ញា ឆ្នាំ 2023 នោះទេ ប៉ុន្តែការណាត់ជួបសម្ភាសន៍ត្រូវតែធ្វើឡើងនៅក្នុងប្រព័ន្ធ ទោះបីជាពេលវេលាណាត់សម្ភាសន៍ត្រូវបានកំណត់សម្រាប់ច្រើនខែទៅមុខក៏ដោយ។ លើសពីនេះ សម្រាប់បេក្ខជនប្រើប្រាស់ថ្លៃទិដ្ឋាការ MRV ដែលបានបង់មុនថ្ងៃទី 1 ខែតុលា ឆ្នាំ 2022 ក្នុងការណាត់ជួបត្រូវសម្ភាសន៍ សូមកុំព្យាយាមផ្លាស់ប្តូរកាលបរិច្ឆេទណាត់ជួបសម្ភាសន៍របស់ខ្លូននៅថ្ងៃ ឬក្រោយថ្ងៃទី 1 ខែតុលា ឆ្នាំ 2023។ ការធ្វើដូច្នេះនឹងនាំឱ្យមានការបាត់បង់ពេលវេលាណាត់សម្ភាសន៍ដើម និងថ្លៃបង់ទិដ្ឋាការ។ បេក្ខជននឹងតម្រូវឱ្យបង់ថ្លៃទិដ្ឋាការ ហើយដាក់ពាក្យសុំទិដ្ឋាការសារជាថ្មី។
ចាប់ពីថ្ងៃទី១៣ ខែកុម្ភៈ ឆ្នាំ២០២៣ ស្ថានទូតអាមេរិកនៅទីក្រុងភ្នំពេញនឹងធ្វើការជាមួយក្រុមហ៊ុនឯកជនមួយ ដើម្បីផ្តល់សេវាកម្មដឹកជញ្ជូនឯកសារ។ បេក្ខជនដែលស្នើសុំទិដ្ឋាការអន្តោប្រវេសន៍ និងមិនមែនអន្តោប្រវេសន៍ទាំងអស់ អាចប្រើសេវាកម្មនេះដោយឥតគិតថ្លៃ ដើម្បីទទួលបាននូវប្រសិទ្ធភាព និងភាពងាយស្រួលបន្ថែមទៀត សម្រាប់ប្រភេទសេវាកម្មដូចជា៖ការដាក់ពាក្យសុំទិដ្ឋាការដោយមិនបាច់សម្ភាសន៍ ការមកទទួលលិខិតឆ្លងដែនឬទិដ្ឋាការ និងការដាក់ឯកសារបន្ថែម (221G)។ សូមចូលទៅកាន់តំណភ្ជាប់នីមួយៗសម្រាប់ព័ត៌មានលម្អិត Interview Waiver/Visa Renewal, Passport/Visa Collection, 221g Document Drop-off.
Select here to learn more about an important update on waivers of the interview requirement for certain nonimmigrant visa applicants.
ស្ថានទូតអាមេរិកនៅភ្នំពេញនឹងបន្តបើកបម្រើសេវាកម្មសម្រាប់ទិដ្ឋាការអន្តោប្រវេសន៍និងទិដ្ឋាការមិនមែនអន្តោប្រវេសន៍គ្រប់ប្រភេទ ដល់ប្រជាជនកម្ពុជានិងជនបរទេសដែលរស់នៅប្រទេសកម្ពុជា។ បេក្ខជនដែលមកពីតំបន់ផ្សេងក្រៅពីតំបន់ដែលការិយាល័យកុងស៊ុលនេះស្ថិតនៅ អាចដាក់ពាក្យសុំទិដ្ឋាការបាន។ យ៉ាងណាមិញ សូមលោកអ្នកជ្រាបថា ការបង្ហាញអំពីលក្ខណសម្បត្តិរបស់លោកអ្នកដើម្បីទទួលបានទិដ្ឋាការអាចនឹងមានភាពលំបាកជាងការដាក់ពាក្យសុំនៅតំបន់របស់លោកអ្នកឬនៅការិយាល័យដែលត្រូវបានចាត់តាំងសម្រាប់ទទួលពាក្យសុំរបស់លោកអ្នក ដោយកត្តាភាសានិងភាពមិនស៊ាំរបស់មន្ត្រីកុងស៊ុលជាមួយនឹងស្ថានភាពក្នុងតំបន់លោកអ្នក។
ទោះបីស្ថានទូតកំពុងខិតខំធ្វើប្រតិបត្តិការករណីទិដ្ឋាការនីមួយៗឱ្យបានលឿនតាមដែលអាចធ្វើបាន ពេលវេលានៃការរង់ចាំអាចនឹងយូរជាងមុនដោយសារយើងនៅមានករណីដែលនៅសល់ពីមុនជាច្រើនដែលកំពុងបន្តដំណើរការនៅឡើយ។ ប្រាក់ដែលបានបង់សម្រាប់ថ្លៃដាក់ពាក្យសុំទិដ្ឋាការមិនមែនអន្តោប្រវេសន៍ (MRV fee) នឹងមានសុពលភាពរយៈពេលមួយឆ្នាំគិតចាប់ពីថ្ងៃដែលបានបង់ប្រាក់ ហើយអាចប្រើប្រាស់ដើម្បីដាក់ពាក្យសុំទិដ្ឋាការនៅក្នុងប្រទេសណាដែលបានបង់ប្រាក់នោះ។ ប្រសិនបើលោកអ្នកមានធុរៈបន្ទាន់ហើយត្រូវធ្វើដំណើរភ្លាមៗ សូមធ្វើតាមការណែនាំដែលបានផ្ដល់ជូនក្នុងគេហទំព័រ https://www.ustraveldocs.com/kh_cy/kh-niv-expeditedappointment.asp ដើម្បីស្នើសុំការណាត់ជួបជាប្រញាប់។
រាល់ថ្លៃសេវាស្នើសុំទិដ្ឋាការមិនមែនអន្តោប្រវេសន៍ទាំងអស់ (ដែលគេស្គាល់ថាជាថ្លៃសេវា MRV) ដែលបានបង់នៅក្នុង ឬ ក្រោយថ្ងៃទី១ ខែតុលា ឆ្នាំ២០២២ នឹងមានសុពលភាពរយៈពេល ៣៦៥ថ្ងៃ គិតចាប់ពីថ្ងៃចេញបង្កាន់ដៃបង់ប្រាក់នោះ។ បេក្ខជនត្រូវធ្វើការណាត់ថ្ងៃជួបសម្ភាស ឬដាក់ពាក្យស្នើសុំទិដ្ឋាការដោយលើកលែងការសម្ភាសន៍ ក្នុងអំឡុងពេល ៣៦៥ថ្ងៃ គិតចាប់ពីថ្ងៃចេញបង្កាន់ដៃបង់ប្រាក់នោះ។ សូមចំណាំថា បេក្ខជនត្រូវតែធ្វើការណាត់ថ្ងៃជួបសម្ភាស ឬដាក់ពាក្យស្នើសុំទិដ្ឋាការដោយលើកលែងការសម្ភាសន៍របស់ពួកគេក្នុងរយៈពេល ៣៦៥ថ្ងៃ។ រីឯការសម្ភាសន៍មិនមានតម្រូវថានឹងត្រូវតែធ្វើឡើងក្នុងអំឡុងពេល ៣៦៥ថ្ងៃនោះទេ។ រាល់បង្កាន់ដៃសម្រាប់ថ្លៃសេវា MRV ដែលបានចេញជូនមុនថ្ងៃទី១ ខែតុលា ឆ្នាំ២០២២ ត្រូវបានបន្តសុពលភាពរហូតដល់ថ្ងៃទី៣០ ខែកញ្ញា ឆ្នាំ២០២៣។
ចាប់ពីថ្ងៃទី១៣ ខែកញ្ញា ឆ្នាំ២០១៧ ស្ថានទូតអាមេរិកប្រចាំទីក្រុងភ្នំពេញនៃព្រះរាជាណាចក្រកម្ពុជានឹងផ្អាកការចេញទិដ្ឋាការប្រភេទB1 ប្រភេទB2 និងប្រភេទB1/B2 ដល់មន្ត្រីនៃក្រសួងការបរទេសកម្ពុជាដែលមានតួនាទីចាប់ពីថ្នាក់អគ្គនាយក រហូតដល់ថ្នាក់ដឹកនាំកំពូលនៃក្រសួងនេះ និងសមាជិកក្រុមគ្រួសាររបស់ពួកគេ ដោយមានករណីលើកលែងតិចតួចប៉ុណ្ណោះ។ ដោយយោងតាមមាត្រា២៤៣(d) នៃច្បាប់អន្តោប្រវេសន៍ និងសញ្ជាតិសហរដ្ឋអាមេរិក នៅពេលទទួលបានសំណើពីរដ្ឋមន្ត្រីក្រសួងសន្តិសុខមាតុភូមិថា មានប្រទេសមួយចំនួនបានបដិសេធមិនទទួលយក ឬប្រើប្រាស់ហេតុផលដែលមិនសមស្របដើម្បីពន្យារពេលទទួលយកពលរដ្ឋនៃប្រទេសរបស់ពួកគេវិញនោះ រដ្ឋមន្រ្តីការបរទេសអាមេរិកត្រូវបញ្ជាអោយមន្ត្រីកុងស៊ុលបញ្ឈប់លែងផ្តល់ទិដ្ឋាការរហូតទាល់តែរដ្ឋមន្រ្តីសន្តិសុខមាតុភូមិទទួលបានព័ត៌មានថា ប្រទេសដែលពាក់ព័ន្ធទាំងនោះបានយល់ព្រមទទួលយកពលរដ្ឋរបស់គេវិញហើយ។ ប្រសិនបើអ្នកស្ថិតនៅក្នុងក្រុមដែលត្រូវបានគេផ្អាកការចេញទិដ្ឋាការ ហើយអ្នកសម្រេចចិត្តដាក់ពាក្យសុំទិដ្ឋាការនោះ មន្ត្រីកុងស៊ុលនឹងសម្ភាសអ្នក ប៉ុន្តែមិនអាចផ្តល់ទិដ្ឋាការជូនបានទេ រហូតទាល់តែការផ្អាកនោះត្រូវបានលើកលែង។ សូមពិចារណាអោយបានដិតដល់មុនពេលដាក់ពាក្យសុំទិដ្ឋាការ។ សូមជំរាបថាថ្លៃដាក់ពាក្យសុំទិដ្ឋាការដែលបានបង់រួចមិនអាចបង្វិលសងវិញបានទេ។
សូមស្វាគមន៍មកកាន់សេវាព័ត៌មានទិដ្ឋាការសហរដ្ឋអាមេរិកសម្រាប់ ប្រទេសកម្ពុជា។ លើគេហទំព័រនេះ អ្នកអាចស្វែងរកព័ត៌មានអំពីទិដ្ឋាការអន្តោប្រវេសន៍ និងមិនមែនអន្តោប្រវេសន៍ និងតម្រូវការផ្សេងៗដើម្បីដាក់ពាក្យសុំទិដ្ឋាការនីមួយៗ។ អ្នកអាចស្វែងយល់ផងដែរអំពីរបៀបបង់ប្រាក់ថ្លៃដាក់ពាក្យសុំទិដ្ឋាការដែលចាំបាច់ និងរបៀបណាត់ពេលវេលាសំរាប់សម្ភាសន៍នៅស្ថានទូតសហរដ្ឋអាមេរិកក្នុងទីក្រុងភ្នំពេញ។
នេះគឺជាគេហទំព័រផ្លូវការរបស់បេសកកម្មសហរដ្ឋអាមេរិកនៅប្រទេស កម្ពុជា ដែលផ្តល់ព័ត៌មានអំពីទិដ្ឋាការ ។
ព័ត៌មានអំពីទិដ្ឋាការមិនមែនអន្តោប្រវេសន៍
- ប្រភេទទិដ្ឋាការ
- ថ្លៃដាក់ពាក្យសុំទិដ្ឋាការ
- ជម្រើសសំរាប់បង់ប្រាក់
- ព័ត៌មានអំពីទម្រង់ DS-160
- រយៈពេលរង់ចាំការណាត់ពេលវេលាសម្ភាសន៍
- រូបថត និងការផ្តិតម្រាមដៃ
- កម្មវិធីលើកលែងទិដ្ឋាការ
ការដាក់ពាក្យសុំទិដ្ឋាការមិនមែនអន្តោប្រវេសន៍
- ការដាក់ពាក្យសុំទិដ្ឋាការ
- ការបង់ប្រាក់ថ្លៃទិដ្ឋាការ
- ការបំពេញពាក្យសុំទម្រង់ DS-160
- ការណាត់ពេលវេលាសម្ភាសន៍
- ការមកយកលិខិតឆ្លងដែនវិញ
- សំណើសុំការសម្ភាសន៍ប្រញាប់
- ការសុំទិដ្ឋាការសារជាថ្មី
- ពាក្យសុំទិដ្ឋាការដែលត្រូវបដិសេធដោយយោងតាមច្បាប់អន្តោប្រវេសន៍ និងសញ្ជាតិ (INA) មាត្រា ២២១(g)
ពត៌មានអំពីទិដ្ឋាការអន្តោប្រវេសន៍
- ព័ត៌មានស្ដីពីទិដ្ឋាការអន្ដោប្រវេសន៍
- ទិដ្ឋាការគូដណ្តឹង(K1 & K2)
- តាមដានស្ថានភាពនៃការស្នើសុំទិដ្ឋាការអន្តោប្រវេសន៍របស់ខ្ញុំ
- ការណាត់សម្ភាសន៍ទិដ្ឋាការអន្តោប្រវេសន៍របស់ខ្ញុំឡើងវិញ
- រយៈពេលរង់ចាំទិដ្ឋាការអន្តោប្រវេសន៍
- ការមកយកលិខិតឆ្លងដែនវិញ
- ពាក្យសុំទិដ្ឋាការដែលត្រូវបដិសេធដោយយោងតាមច្បាប់អន្តោប្រវេសន៍ និងសញ្ជាតិ (INA) មាត្រា ២២១(g)
កម្មវិធីទិដ្ឋាការក្នុងតំបន់
- អ្នកសម្របសម្រួលការធ្វើដំណើរ
- អ្ការណាត់ជួបជាក្រុម
- មន្រ្តីការទូត និងមន្រ្តីរដ្ឋាភិបាល
- ទិដ្ឋាការសម្រាប់កុមារ