បទបញ្ញត្តិសន្តិសុខ
លើទំព័រនេះ
ទិដ្ឋភាពទូទៅ
ប្រសិនបើលោកអ្នកយកវត្ថុណាមួយក្នុងចំណោមវត្ថុដែលរៀបរាប់ខាងក្រោមនេះ គេមិនអនុញ្ញាតឱ្យអ្នកចូលក្នុងបរិវេណស្ថានទូត ឬស្ថានកុងស៊ុលសហរដ្ឋអាមេរិកទេ៖
- ឧបករណ៍អេឡិចត្រូនិច ឬឧបករណ៍ដែលដំណើរការដោយថ្មពិល ដូចជាទូរស័ព្ទចល័ត កូនសៀវភៅប្រភេទឌីជីថល (digital diaries) នាឡិកាឌីជីថល (digital watches) ផេជ័រ (pagers) ម៉ាស៊ីនថតរូប ម៉ាស៊ីនចាក់ភ្លេង ឬវីដេអូប្រភេទកាសែត ម៉ាស៊ីនចាក់ថាសស៊ីឌី MP3 Floppy Disks កុំព្យូទ័រយួរដៃ ឬម៉ាស៊ីនចាក់ភ្លេងប្រភេទយួរដៃ
- កាបូបស្ពាយធំៗ - មានតែកាបូបដៃតូចៗតែប៉ុណ្ណោះដែលអាចយកចូលបាន។
- កាបូបសម្រាប់ធ្វើដំណើរ សាក់កាដូ វ៉ាលីស កាបូបស្បែក កាបូបក្រណាត់ និងសឺមីមានរ៉ូត - អាចយកចូលបានតែថង់ផ្លាស្ទីកដែលដាក់ឯកសារពាក់ព័ន្ធនឹងពាក្យសុំតែប៉ុណ្ណោះ។
- ចំណីអាហារ និងសារធាតុរាវផ្សេងៗ
- ស្រោមសំបុត្រ ឬកញ្ចប់ដែលបិទជិត
- បារី ស៊ីហ្គា ប្រអប់ឈើគូស ដែកកេះ
- ឧបករណ៍មុតស្រួច ដូចជាកន្រ្តៃ កាំបិតប៊ិច ឬប្រដាប់រូសក្រចក
- អាវុធ ឬសារធាតុផ្ទុះគ្រប់ប្រភេទ
បញ្ជីខាងលើនេះមិនបានរៀបរាប់ជាលំអិតនោះទេ។
សម្ភារៈផ្សេងទៀតអាចនឹងត្រូវបានហាមឃាត់អាស្រ័យទៅតាមការសម្រេចចិត្តរបស់បុគ្គលិកផ្នែកសន្តិសុខ។
នៅស្ថានទូត ទីកន្លែងសំរាប់អោយបេក្ខជនផ្ញើរទូរស័ព្ទដៃទុកនៅថ្ងៃសម្ភាសន៍មានទំហំកំណត់ ហើយយើងមិនមានទីកន្លែងសម្រាប់អោយផ្ញើរសម្ភារៈហាមឃាត់ដែលរៀបរាប់ខាងលើនេះទេ។ បេក្ខជនត្រូវរកន្លែងសម្រាប់ទុកសម្ភារៈទាំងនោះមុនពេលចូលសម្ភាសន៍។
ដោយសារហេតុផលផ្នែកសន្តិសុខ ស្ថានទូតសហរដ្ឋអាមេរិកមិនមានបញ្ជរសម្រាប់អោយបេក្ខជនចូលមកសាកសួរព័ត៌មានទេ។ មានតែបេក្ខជនទិដ្ឋាការដែលបានណាត់ពេលវេលាសម្ភាសន៍តែប៉ុណ្ណោះដែលត្រូវបានគេអនុញ្ញាតឱ្យចូល។